नागद्वारची आरती
आरती नागद्वारा, शेषशाई अवतारा, सद्भावे ओवाळितो, पावे दिगंबर द्वारा । आरती नागद्वारा ।।धृ ।।
मेरुच्या शिखरी जडले, सिंहासन भारी । त्यावर बैसुनिया, सृष्टी रचली या सारी ।।१।।
आरती नागद्वारा, शेषशाई अवतारा, सद्भावे ओवाळितो, पावे दिगंबर द्वारा । आरती नागद्वारा ।।धृ ।।
श्रीराम अवतारी, बंधू लक्ष्मण होशी । पाळली राम आज्ञा, पुर्ण कार्य तू करशी ।।२।।
आरती नागद्वारा, शेषशाई अवतारा, सद्भावे ओवाळितो, पावे दिगंबर द्वारा । आरती नागद्वारा ।।धृ ।।
श्रीकृष्ण अवतारी, ज्येष्ठ बंधू बळीराम । प्रताप थोर होतो, जगी मिळविले नाव ।।३।।
आरती नागद्वारा, शेषशाई अवतारा, सद्भावे ओवाळितो, पावे दिगंबर द्वारा । आरती नागद्वारा ।।धृ ।।
श्रावण महिन्यात, दिवस नागपंचमी रात्र । आनंद थोर होतो देवा तुझ्या मंडपात ।।४।।
आरती नागद्वारा, शेषशाई अवतारा, सद्भावे ओवाळितो, पावे दिगंबर द्वारा । आरती नागद्वारा ।।धृ ।।
शेष सिंधु सागरात, शेषसाई अनंत । तेथे तुम्ही नांदता हो, ज्याला म्हणतात लक्ष्मीकांत ।।५।।
आरती नागद्वारा, शेषशाई अवतारा, सद्भावे ओवाळितो, पावे दिगंबर द्वारा । आरती नागद्वारा ।।धृ ।।
कालीया नांव तुझे, घेता उतरले ओझे । स्मरण केली या हो, देवा सार्थक होई माझे।।६।।
आरती नागद्वारा, शेषशाई अवतारा, सद्भावे ओवाळितो, पावे दिगंबर द्वारा । आरती नागद्वारा ।।धृ ।।
देवा मी ज्ञान धरीले, दुःख माझे हरीले । हरीला सेवा केली, शंकर मजला पावले ।।७।।
आरती नागद्वारा, शेषशाई अवतारा, सद्भावे ओवाळितो, पावे दिगंबर द्वारा । आरती नागद्वारा ।।धृ ।।
वैशाख महिन्यात, दिवस नागपंचमी रात्र । आनंद थोर होतो देवा तुझ्या मंडपात ।।८।।
आरती नागद्वारा, शेषशाई अवतारा, सद्भावे ओवाळितो, पावे दिगंबर द्वारा । आरती नागद्वारा ।।धृ ।।
आज देव शेषराये, भक्ती तुझी पुर्ण होय । नवखंड पृथ्वीशी, देवा भरुनी आला आहे ।।९।।
आरती नागद्वारा, शेषशाई अवतारा, सद्भावे ओवाळितो, पावे दिगंबर द्वारा । आरती नागद्वारा ।।धृ ।।
पाचतत्व पंच ज्योती, ओवळीले नागनाथा । भक्तजन आरत्या गावी, जागा चारणापाशी द्यावी ।।१०।।
आरती नागद्वारा, शेषशाई अवतारा, सद्भावे ओवाळितो, पावे दिगंबर द्वारा । आरती नागद्वारा ।।धृ ।।
आरती नागद्वारा, गणेश गायन करी । नित्य नेम महाभारी, सर्वदिन सेवा करी ।।११।।
आरती नागद्वारा, शेषशाई अवतारा, सद्भावे ओवाळितो, पावे दिगंबर द्वारा । आरती नागद्वारा ।।धृ ।।
